حب وخلي الحب دا عالي
ياابن الحاج هريدي اتهد
اقفل خشمك يلا اتسد
كل كلامك كدب وغش
عمر مكان في حياتك جد
قلي يابيه عل في قلبك
خلي أيامك جزر ومد
ليه الكره بيطلع منك
ليه الحقد مالوش حد
ليه الدنيا بتشغل عقلك
بطل بقي وبلاش عد
قلي ليه راح تحسد غيرك
أنت ما تعرف إيه في الغد
ليه الكدب في كل كلامك
ليه بتكشر.... فك الخد
مالها أمانتك راحت فين؟
ولا قابلها حائط صد
قولي فين إخلاصك فين
بس كفاية.... بلاش هد
كسلك ديما نقطة ضعفك
صحي في قلبك طلع رد
خلي لسانك حلو نظيف
واقعد فكر بطل شد
حب وخلي الحب دا عالي
يعلي ويكسر أجدع سد
فكر نفسك... إنك مسلم
وإن الجنة حلوه بجد
وإنك لازم تكسر نفسك
صاحب صحبة تشد اليد
ياابن الحاج هريدي اتهد
صحي في قلبك طلع رد