الحلم الجميل
فى ليله كنت نايمه
وحلمت حلم جميل
حلمت بانى راكبه
حصان ابيض اصيل
خدنىوطار لفوق
ودانى دنيا الشوق
خلانى شفت عالم
مالوش ابدا مثيل
خدنى الحصان ودانى
لعالم م الخيال
سلمت على الامانى
وحضنتنى الامال
وموجة حب حلوه
مرسومه عالرمال
خدتنى و عومتنى
وسط بحور الجمال
وجانت لى من المحال
مليون دليل ودليل
خدنى الحصان ودانى
اسكن بين الغيوم
انام جنب القمر
واتغطى بالنجوم
اجرى فوق السحاب
وامسح كل الهموم
وارسم بايديا نجمه
تكبر فى يوم ورا يوم
كان حلم جميل ونفسى
الحلم دا كان يدوم
و اجمل ما فى الاحلام
مافيهاش شىء مستحيل
كلمات
شاعر الحب
محمد عمر
