محتاجة الرد؟؟؟؟؟؟؟؟؟
قولنا هنبنى وادى أحنا بنينا السد العالى
يا أستعمار بنيناه بأدينا السد العالى
غنوة قالوها زمان أجدادنا
وأحنا وراهم كنا نرد
قالوا الخير هيعم بلدنا
والدنيا أديها هتتمد
وبعزة علمنا ولادنا
ازاى قدروا يعدوا الحد
والأخبار كلها قريناها
عن فايدة ونعيم السد
لكن فجأة قريت مانشيت
أصحوا يا عالم
بص وطالع
السد دا عن خيركم مانع
الطمى عن الأرض أتحاش
محاصيلنا بتتباع ببلاش
وبنستورد أكل عيالنا
وركبنا القطر القشاش
والسمك العايم مبقاش
والباقى منه ما يسواش
والنوبه غرقت يا أخونا
وأتاكلت بالمية آثارنا
والمرض الفتاك أهو صابنا
وبقينا فى غرفة أنعاش
وناس بتقول لا كان ولا عاش
أل يقول كلمه على السد
وكفاية الكهربا جبناها
والنوبه وأهلها أو يناها
وأتقلبوا بعد المانشيت
لحكاوى من جذب وشد
دلوقتى محتاجة انا رد؟؟؟؟؟؟؟؟؟؟؟؟؟؟؟؟؟
أحنا علينا لما بنينا
ولا وطينا تحت الأرض
نهتف تانى يحيا العالى
ولا نادى بهدم السد
ونقيم عل بنوه الحد
شهيرة كامل
