اسمين وسهم و قلب

تحت الشجر
فى نور القمر
قعدت وحدى افتكر
حبى و حبك و الوعود
والذكريات اللى كتبهالنا القدر

بصيت لقيت مرسوم على قلب الشجر
اسمين و سهم و قلب دايب من السهر
قربت منهم
قلت اشوف دا اسم مين
لقيته اسمك
ويا اسمى و كلمتين
بيقولوا اوعى نفترق مهما السنين
حاولت تطول بيننا مشوار السفر

سالت نفسى و قلت ليه
بايدينا نختار نفترق
وننسى وعد عشنا بيه
ونسيب شموعنا تتحرق
وننسى ليه عهد الهوا
اللى حلفناه يوم سوا
قلبك دا كان ليا الطبيب ويا الدوا
بيداوى قلبى اللى من الحب انكسر

كلمات شاعر الحب
محمد عمر