طير عبيـــط
انا كنت طير عملاق
عيونى مليانة خير و صفاء
و جناحاتى بترفرف بالعلم و الرخاء
بس كان الزمن واقفلى بالمرصاد
قانون الزمن زى السيف
عشان تعيش فى سلام
لازم تطير مع الريح
واتجاه الريح نظام الكون
خلقه رب عالم بالاسرار
طيور كتيرة افتكرت نفسها بقت عظيمة
افتكرت بعلمها ممكن تغير المشيئة
طاروا ضد التيار
وملئوا دماغهم بالاوهام
طاورا بصواريخ ونيران
و بعلم قالوا عليه جبار
لكن الريح دايما عليهم غلابة
بقوا ايه فى النهاية
حبة كلمات فى كتب التاريخ
وطيور تانية طارت بغباء
بجهلها و جبنها طارت ضد الريح
وريشها طار بعيد
الان الزمن دايما واقف بالمرصاد
و الزمن قانونه زى السيف
عشان تعيش فى سلام
لازم تطير مع الريح
توهت شوية فى دروب الحياة
لاقيتنى تايه فى عاصفة الريح
لاقيت ريشة ورا ريشة بعيد بطير
و طاحونة الحروب طواحتنى كتير
وطلعت منها طير
بس ملوش جناحات
ناظر للسما
ومستنى نزول المعجزات
انا طير عبيـــط
فكرت اطير برجلى
وسترها معاية ربى
و مرضاش يكسر رقبتى
بحلم ارجع تانى اطير
بس ياخسارة
عمر الاحلام مطلعتلى جناحات
