يمكن

يمكن بحبك
يمكن بكرهك
يمكن عايزك يمكن هخسرك
يمكن بحبك كلمه تقوليهالي
يمكن بحبك كلمه علي لساني
يمكن بحبك حلم ف خيالي
يمكن كرهتك حقيقه قدامي
يمكن بحبك
يمكن بكرهك
يمكن عشقتك قمري ف الليل
يمكن عشقتك نور القناديل
يمكن عشقتك غنوه مواويل
يمكن حسيتك الدفا ف البرد
يمكن حسيتك الرحيق ف الورد
يمكن حسيتك تميمه حظي ف النرد
يمكن بحبك
يمكن بكرهك
يمكن لما كنتي حلم حبيتك
يمكن لما كنتي طيف اتمنيتك
يمكن لما كنتي بعيده استنيتك
يمكن لما شوفتك حقيقه قدامي
يمكن ملقيتكيش الحلم اللي ف خيالي
يمكن عشان محستيش بحالي
يمكن بحبك
يمكن بكرهك
يمكن انتي الام الحنون
يمكن كنت بحبك بجنون
يمكن مليش غيرك ف الكون
يمكن عشان مش حباني
يمكن عشان مش عايزاني
يمكن عشان مش حمياني
يمكن بحبك
يمكن بكرهك
يمكن مش اكيده مشاعري
يمكن مش حقيقي كلامي
يمكن لو انتي مش هتمانعي
يمكن تكوني اللي ف خيالي
يمكن هحبك
لا يمكن اكرهك
يامصر لا يمكن